Salam alaykoum...Pour tous ceux qui ne pourront pas assister à la fête… et quelle fête tant attendue,A tous ceux qui aiment le doyen, qui adorent le voir, qui avec un goût joyeux amer vont seulement entendre la fête ou lire ses échos…Aux femmes, aux vieux, aux malades, aux prisonniers, aux immigrés qui sont loin de la saveur du titre et la magie de Constantine ces jours et touts les jours..... L'essentiel est qu'il y aura 60000 aigles qui vont nous représenter dignement pour scander haut et fort que le DOYEN est immortel et que Constantine est la plus belle ville au monde… oui il n'y a aucune ville au monde ne sait parler d'elle comme Cirta :سنعود وربي سنعود
بفخر لمجد سنعود
وسنملأ الأرض بجنود
سنافر تزأر كأسود
نسور تحلق بصمود
سنعود وربي سنعود
يا عشق الآباء والجدود
يا رمز الإباء والخلود
سنفك عنك كل القيود
لتحلق عاليا
وتبقى غاليا
وتسود
تحلق عاليا ومن صابني نسر كيفك ونطير
نقطع بحور زرقة
في قلبي من وحشك حرقة
نسمع خيال صوت السنافر غير سرقة
ونرمي في عش البركان غير ورقة
نكتب فيها بدمي
شحال من وحشك زاد همي
عيطة السنافر تشوّك اللحم
اللي يغير منهم يتفحم
واللي جرب العشق والوحش يتفهم
خاطر عشقك جنون
وحبك فنون
من غيرك لا نكون
خضرا زينة وبهجة الكون
نحبك يا كحلة العيون
من غرامك راني مفتون
بهواك عليل ومجنون
مقطع كوارطي ومرهون
نشقى وتزهاي ونموت وتحياي
غير السياسي اللي ماتموتــــشي
الدنيا من غيرها ما تكونشي
إذا هبلنا من عشقها ما تلومشي
على جال الخضرا يهون كل شي
ننسى البسمة وما نرقدشي
يروحلي الشون وما نسمع شي
غير في السياسي ما نسمحشي
بصح نسمح في حياتي ونسمح في الدار
ونمسح دمعاتك من الزمان الغدار
يا قرة الانظار يا بهجة لبصار
مشيت من عشقك قـفـار ومصار
وقطعت من وحشك وديان وبحار
كي عييت وتعبت وقريب ننهار
ماكنتش وحدي ولادك اخيار
وقفوا وتوحدو ودارو قرار
من غيرتهم عليك ريقهم مرار
حسيت قريب يطلع علينا النهار
قريب يالخضرا ننسو ماصار
الايام الكحلة وعوام الدمّار
اتبسمي وازهاي وزهي وليداتك
نوضي جيناك نخلفو ما فاتك
رانا شقينا يا يما وصبرنا طال
ودارنا في حي رابطة الأبطال
خلصتلي الورقة اللي رميتها في العش
وما بردت من قلبي كـية الوحش
الله غالب يالخضرا راني بعيد
خاوتي حاضرين وقلبي سعيد
ازهاي يالخضرا وزهي السنافر
نسورك في الحرب الغايب والحاضر
والسلام لقسنطينة من كل مهاجر
بالجمعة راكي زاهية بفن السنفور
فيميجان وبخور، علامات ونسور
موجة مهولة وحفلة مهبولة مع ولادك فور
ينورولك وجهك نور على نور
نشوفوك بخير يا مدينة الجسور
