le: 21 mars 2013 à 16:58:34 »
كنت في الدائرة نسنى دالتي في الباسبور أيا قلت أنا قاعد قاعد نكتب شوية غزل لكأس الجمهورية ببعض الأغاني.... - على وزن أغنية للشاب خالد اللي تبدا بموال : لوكان السعد يتنجر من عود... نجّر سبعين من غير عودي آمان آمان... آني رايح يالحباب عندي طريق ومباعد نولي ان شاء الله
- في وحد المنام... وحدي تايه ومكدّر
- شفت نسيرة... طايرة وحيدة تهدر
- فرحانة... جات لعندي بخبر
- ريحت فوق... كتفي بفخرة وقدر
- قلتلها... نعاونك بلّي نقدر
- قالتلي... ياللي ما مثلك يغدر
- راني على... علامك لخضر نهدر
- جبتلك الفال... بالفرحة تبشر
- تزهى ياماتك... والبهجة تحضر
- جيت نبشركم... بكاس الجزاير
- في هاد العام... السعد يجيكم زاير
- راني على بالي... واش عليها صاير
- السنفور من زمان... راه عليها حاير
- كيفاه صبرتو؟... راني فيكم حايرة
- على جال الكاس... راني وحدي بايرة
- راني في دزاير... في السانك جوييي طايرة
- نبقى نسـنّــاكم... بسمة في قلبي نايرة
- جيبولي نسر... ومعاه علام اخضر
- تديو الكاس... ويبقى حبيبي في البر
- ننسى العنوسة... تنساو اعوام الشر
- عندكم ما تعبتو... مع الفوضى ولعب الذر
- سنين طويلة... في الدشر وضرب الحجر
- في الكر والفر... وأنا حنّــتي في الحجر
- هزّو لعلامات... وامشيو اقراو الخير
- في هاذ العام... الخضرا تخرج من البير
- صلوا عالنبي... واتوكلو على القدير
- تزها الخضرا... يولي مجدها الكبير